×
अर्थ डेली प्रकाशित: २०७६-५-२ गते

नेकपामा विवाद गहिरिँदै : नेपालको वरीयता खोसियो, प्रस्ताव पनि अस्वीकृत

नेकपा एमाले र माओवादी केन्द्रबीच एकीकरण भएको १५ महिनापछि नेता माधवकुमार नेपालको वरीयता खोसिएको छ। यससँगै नेपाल कम्युनिस्ट पार्टी ९नेकपा० भित्र आन्तरिक विवाद चुलिन पुगेको छ। आइतबार साँझ बसेको नेकपा सचिवालय बैठकमा पूर्वप्रधानमन्त्री झलनाथ खनालको प्रस्ताव स्वीकार गर्दै अध्यक्षद्वयपछिको वरियताक्रममा उनलाई ल्याइएको छ।

खनाल पार्टी एकीकरणपछि नेता नेपालभन्दा पछाडिको रोलक्रममा थिए। बैठकले नेता नेपालले अघि सारेको एक व्यक्ति एक पदका साथै स्थायी कमिटीका तीन नेतालाई सचिवालयमा ल्याउन गरेको प्रस्ताव पनि अस्वीकार गरेको छ। पछिल्लो पटक सचिवालय बैठकमा अध्यक्षद्वय केपी शर्मा ओली र पुष्पकमल दाहालको संयुक्त गठबन्धनले नेपाललाई एक्ल्याएको छ।

 
खनालले आफ्नो वरीयता मिचिएको भन्दै त्यसलाई सच्याउन र गौतमलाई उपाध्यक्ष बनाउन प्रस्ताव गरेपछि वरिष्ठ नेता नेपालले तत्कालीन एमालेको नवौं महाधिवेशनबाट निर्वाचित उपाध्यक्ष त्रयलाई अन्याय भएको तर्क गर्दै सचिवालयमा ल्याउन प्रस्ताव गरेका थिए। एउटै महाधिवेशनबाट निर्वाचित कोहीलाई पदैपद, कोहीलाई सचिवालयमा समेत ल्याउन आनाकानी गरेको भन्दै नेता नेपालले नेतात्रय अष्टलक्ष्मी शाक्य, भीम रावल र युवराज ज्ञवालीलाई सचिवालयमा ल्याउन प्रस्ताव गरेका थिए। ‘नेता नेपालले शुक्रबारकै बैठकमा यो प्रस्ताव गर्नुभएको हो। यसबारे आइतबारको बैठकमा पनि छलफल भयो’, सचिवालयका एक सदस्यले भने। तर उनको सो प्रस्तावलाई अस्वीकार गरिएको पनि ती सदस्यले बताए।

‘एउटै महाधिवेशनबाट जितेका एकजना उपाध्यक्षले सचिवालयसहित किसान महासंघ, संगठन विभाग र उपाध्यक्षको जिम्मेवारी पाउने अरुले कुनै भूमिका नपाउने भन्ने कुरा न्यायोचित भएन, अष्टलक्ष्मी, युवराज ज्ञवाली र भीम रावललाई सचिवालयमा ल्याउनुपर्छ’, नेता नेपालले बैठकमा भनेका थिए। हाल अध्यक्षद्वय केपी ओली र दाहाल, नेपाल, खनाल, गौतम, श्रेष्ठ, ईश्वर पोखरेल, रामबहादुर थापा र विष्णु पौडेल सचिवालयमा छन्।

‘पार्टी एकीकरणपछि आजको सचिवालय बैठकले वरिष्ठ नेताहरुको नयाँ वरीयता क्रम तोकेको छ, वरिष्ठ नेतामा पहिलो झलनाथ खनाल र त्यसपछि माधव नेपाल’, बैठकपछि पार्टी प्रवक्ता नारायणकाजी श्रेष्ठले भने। उनी वरियताको विषयमा योभन्दा बढी बोल्न चाहेनन। नेपाल आफूले राखेको प्रस्ताव अस्वीकृत भएपछि बैठक नसकिँदै निस्किएका थिए।आजको नागरिक दैनिकमा समाचार छ ।

वरियता घटाउने प्रस्ताव आएपछि नेपालले ओलीलाई लक्षित गर्दै आक्रोश व्यक्त गए। ‘पहिला झलनाथ कमरेडलाई यो प्रक्रियामै नल्याउन खोज्नुभएको थियो। मेरै जोडमा वरिष्ठ नेता बनाइयो। यो विषयमा तपाईं ९ओली० ले आज आत्मआलोचना गर्ने कि नगर्ने रु आज जसरी वरीयताको वियष उठाएर मलाई अपमान गर्ने र बदला लिन खोज्दै हुनुहुन्छ त्यो किमार्थ तपाईंको नैतिक अधिकार रहेन। अब आजै आत्मआलोचना गर्नुस्’, नेपालको भनाइ उद्धृत गर्दै स्रोतले भन्यो।

सचिवालय बैठकले जनवर्गीय संगठनका इन्चार्ज तथा सहइन्चार्जको पनि टुंगो लगाएको छ। सम्पर्क कमिटीको इन्चार्जमा छविलाल विश्वकर्मा, सहइन्चार्जमा विजय गुरुङ र झक्कु सुवेदी, उपत्याका विशेष कमिटीको इन्चार्जमा लीलामणि पोखरेल, सहइन्चार्जमा भानुभक्त ढकाल र अरुण नेपाल, राष्ट्रिय युवा संघमा महेश बस्नेत इन्चार्ज तथा सहइन्चार्जमा रामप्रसाद सापकोटा, किसान संघको इन्चार्जमा वामदेव गौतम र महासंघको अध्यक्षमा हरि पराजुलीलाई जिम्मेवारी दिइएको छ। त्यसैगरी युवा विद्यार्थीमा माधव ढुंगेल इन्चार्ज र सहइन्चार्जमा कृष्ण केसीलाई तोकिएको छ।

सम्बन्धित विषय:

फेसबुकबाट तपाईको प्रतिक्रिया

0 Comments

mgid.com, 313862, DIRECT, d4c29acad76ce94f
Loading...

सम्बन्धित समाचार

पक्राउ परेका ज्ञानेन्द्र शाही रिहा

पक्राउ परेका ज्ञानेन्द्र शाही रिहा

काठमाडौँ । संस्कृति, पर्यटन तथा नागरिक उड्डयन मन्त्री योगेश भट्टराईमाथि अभद्र व्यवहार गरेको अभियोगमा पक्राउ परेका ज..

आतंक मच्याएर जनतामा भ्रम छर्न खोज्नेको प्रतिवाद गर्न कार्यकर्तालाई प्रचण्डको निर्देशन

आतंक मच्याएर जनतामा भ्रम छर्न खोज्नेको प्रतिवाद गर्न कार्यकर्तालाई प्रचण्डको निर्देशन

काठमाडौँ । सत्तारुढ नेपाल कम्युनिष्ट पार्टी नेकपाका अध्यक्ष पुष्पकमल दाहाल ‘प्रचण्ड’ ले अराजकताको आतंक..

नेकपामा ओली र प्रचण्ड मिल्दाको असर प्रदेश २ मा,हेडक्वार्टरमा माधव र मात्रिकाविरुद्ध उजुरी

नेकपामा ओली र प्रचण्ड मिल्दाको असर प्रदेश २ मा,हेडक्वार्टरमा माधव र मात्रिकाविरुद्ध उजुरी

जनकपुरधाम । नेकपाको केन्द्रीय कार्यालयमा केपी शर्मा ओली र प्रचण्ड मिल्दाको असर प्रदेश २ मा देखिएको नेताहरुले बताएका..

स्वास्थ्य मन्त्रालयका गाडीमा अनधिकृत रजाइँ

स्वास्थ्य मन्त्रालयका गाडीमा अनधिकृत रजाइँ

मन्त्री र राज्यमन्त्रीका स्वकीय सचिव तथा सचिवालयअन्तर्गत नियुक्त सल्लाहकारलाई सवारीसाधन (गाडी) उपलब्ध गराउन कु..