×
अर्थ डेली प्रकाशित: २०७६-३-१० गते

प्रतिनिधिसभा बैठकमा ‘गलबन्दी च्यातियो …’ गीतको चर्चा

काठमाडौं । प्रतिनिधिसभाको बैठकमा सांसदहरुले ‘गलबन्दी च्यातियो ‘’ शीर्षकको गीतका सम्बन्धमा कुनै समुदायमाथि नै आघात हुने गरी सामाजिक सञ्जालमा भएका टिप्पणीप्रति आपत्ति जनाउँदै दोषीलाई कानूनी कारवाही गर्न माग गरेका छन् ।

प्रतिनिधिसभाको आजको बैठकको शून्य समयमा सांसद विमला विकले ‘गलबन्दी च्यातियो ‘’ शीर्षकको गीतको लय नक्कल भएको भन्दै गीतका सर्जकद्वय प्रकाश सपुत र शान्ति श्री परियारमाथि सामाजिक सञ्जालमा तल्लोस्तरको टिप्पणी हुँदा पनि सरकार मुकदर्शक भएको भनी आपत्ति जनाएकी छन । साथै उनले सम्बन्धित व्यक्तिलाई कानूनी कारवाही गर्न माग गरेकी छन ।

सांसद महेश्वरजङ्ग गहतराजले पनि ‘गलबन्दी च्यातियो ‘’ शीर्षकको गीतको लय नक्कल भएको भन्ने सम्बन्धमा सामाजिक सञ्जालमा भएका टिप्पणीप्रति आपत्ति जनाउँदै जातीय द्वन्द्व फैलाउने गरी टिप्पणी गर्ने व्यक्तिलाई कानूनी कारवाही गर्न सरकारको ध्यानाकर्षण गराएका छन ।

सांसद विमला नेपालीले गृहमन्त्रालयको कहिले रोक्ने र कहिले दिने भन्ने निर्देशनले नेपाली नागरिकतासम्बन्धी समस्या बल्झिरहेको छ भन्दै ११ महीनादेखि ओझेलमा रहेको सोसम्बन्धी विधेयकलाई तत्काल अघि बढाउनुपर्ने आवश्यकता औँल्याएकी छन ।

सिरिञ्ज आक्रमण घटना रोक्न माग

सांसद मीनबहादुर विश्वकर्माले ढुवानीमा मूल्यअभिवृद्धि कर लगाउँदा समस्या भएकाले उक्त कर खारेज गर्न माग गरेका छन । सांसद मीना सुब्बाले केही सातायता काठमाडौंमा सिरिञ्ज आक्रमणका घटना बढेकाले यसलाई नियन्त्रण गर्न र सर्वसाधारणलाई यसको त्रासबाट बचाउन सरकारको ध्यानाकर्षण गराएकी छन।

सांसद मैनाकुमारी भण्डारीले स्वास्थ्य बीमा गरेका ठूला रोग लागेका बिरामी काठमाडौं आउनैपर्ने बाध्यता भएकामा तिनलाई वीर अस्पताल र महाराजगञ्जस्थित त्रिवि शिक्षण अस्पतालमा उपचारको व्यवस्था गराउन माग गरेकी छन । सांसद यज्ञबहादुर बोगटीले अछाममा विप्लव समूहका कार्यकर्ताले एक निजी घरमा आगजनी गरेको घटनाबारे सरकारको ध्यानाकर्षण गराउँदै पर्याप्त सुरक्षाको व्यवस्था गर्न माग गरेका छन ।

सांसद यज्ञराज सुनुवारले शिक्षा क्षेत्रलाई सरकारले प्राथमिकतामा राखे पनि सङ्घीय ऐेन समयमै नआएसम्म सरकाको उद्देश्य पूरा नहुने धारणा व्यक्त गरेका छन । सांसद रङ्गमती शाहीले सशस्त्र द्वन्द्वका पीडित महिलालाई समाजमा सम्मानजनक बाँच्न पाउने र उचित क्षतिपूर्तिको व्यवस्था गर्नुपर्नेमा जोड दिएकी छन । सांसद राजबहादुर बुढाथोकीले दैलेखमा असिनाले बालीनालीमा भएको क्षतिपूर्तिका लागि सरकारकारको ध्यानाकर्षण गराएका छन ।

सांसद रामकुमारी झाँक्रीले राज्यका तर्फबाट विभिन्न घटनामा दिइने क्षतिपूर्तिका सम्बन्धमा आवश्यक मापदण्डको अभावमा पहुँच हुनेले दोहोरो सुविधा लिने गरेका बताएकी छन।

सांसद रामेश्वरराय यादव र रामबहादुर विष्टले सर्लाहीमा मारिएका विप्लवका कार्यकर्ता कुमार पौडेलको हत्या हो कि ‘इन्काउण्टर’ हो भन्ने प्रश्न गर्दै यस विषयमा छानबिन गर्न माग गरेका छन ।

सम्बन्धित विषय:

फेसबुकबाट तपाईको प्रतिक्रिया

2 Comments

Stacie

July 02nd, 2019 - 11:41AM

I could not resist commenting. Well written! Hi, I do think this is a great site. I stumbledupon it ;) I'm going to revisit once again since I bookmarked it. Money and freedom is the best way to change, may you be rich and continue to help others. I am really impressed with your writing skills and also with the layout for your blog. Is this a paid subject matter or did you customize it your self? Either way keep up the nice high quality writing, it is rare to peer a nice blog like this one nowadays.. http://www.cspan.net

IT Support

July 03rd, 2019 - 6:30PM

Liked the pictures, i really like the one of this image, perfect. https://lgnetworksinc.com/it-support/

सम्बन्धित समाचार

अब ३५ वर्षसम्मका मात्रै युवा

अब ३५ वर्षसम्मका मात्रै युवा

काठमाडौं । सरकारले युवाको उमेर समूह पाँच वर्ष घटाउने प्रस्ताव गरेको छ। राष्ट्रिय युवा परिषद्ले तयार पारेको &lsqu..

यसरी भयो नेकपामा भागबन्डा (विभागहरूको सूची सहित)

यसरी भयो नेकपामा भागबन्डा (विभागहरूको सूची सहित)

काठमाडौं । नेकपामा केही महत्वपूर्ण विभागहरूको नेतृत्वको टुंगो लागेपनि स्कुल विभागमा अझै सहमती जुटेको छैन। पार्टी..

सत्तारुढ नेकपा निकट अनेरास्ववियूले अब कसैसँग चन्दा नलिने

सत्तारुढ नेकपा निकट अनेरास्ववियूले अब कसैसँग चन्दा नलिने

काठमाडौँ । सत्तारुढ नेपाल कम्युनिष्ट पार्टी (नेकपा) निकटको विद्यार्थी सङ्गठन अनेरास्ववियूले अबदेखि कसैसँग पनि चन्दा..

शान्तिपूर्ण राजनीतिमा आउने भए मात्र विप्लवसँग वार्ता हुन्छ : मन्त्री बास्कोटा

शान्तिपूर्ण राजनीतिमा आउने भए मात्र विप्लवसँग वार्ता हुन्छ : मन्त्री बास्कोटा

काठमाडौं । सरकारले विप्लवसँग शक्ति सञ्चयका लागि वार्ता गर्ने प्रष्ट पारेको छ। सूचना तथा प्रविधिमन्त्री गोकुलप्रस..