×
अर्थ डेली प्रकाशित: २०७६-३-१० गते

राजनीतिक तहमा टुङ्ग्याउन खोज्दा नागरिकता विधेयक अगाडि बढ्न सकेन : गृहमन्त्री थापा

काठमाडौं । गृहमन्त्री रामबहादुर थापाले राजनीतिक तहमा टुङ्ग्याउन खोज्दा नागरिकता विधेयकमाथिको छलफल अगाडि बढ्न नसकेको बताएका छन् ।

मंगलबार संसदको राज्य व्यवस्था तथा सुशासन समितिमा उनले भने, ‘नागरिकताको बारेमा निकै लामो छलफल गर्यौं । यसलाई राजनीतिक तहमा टुङ्ग्याएर जाँदा सहज होला भन्ने भयो । तर, अझै अगाडि बढेको छैन ।’

त्यसअघि सांसदहरुले विधेयकहरु ल्याउने तर छलफलमा अगाडि किन नबढाउने भन्दै प्रश्न गरेका थिए । जवाफमा गृहमन्त्री थापाले नागरिकता विधेयक अलि बढी संवेदनशील विषय भएकोले ढिलाइ भएको प्रष्टिकरण दिएका छन ।

नागरिकता विधेयकबारे राष्ट्रिय सहमति खोज्न संसदको राज्य व्यवस्था समितिले गत फागुन ७ गते ९ सदस्यीय उपसमिति गठन गरेको थियो । प्रमुख दलका शीर्ष नेताहरुसँग छलफल गरी सहमति जुटाउन उपसमितिलाई एक महिनाको समय दिइएको थियो । तर, उपसमितिले हालसम्म सहमति जुटाउन सकेको छैन ।

नागरिकता विधेयकमा नेपाली महिलासँग बिहे गर्ने विदेशी पुरुष र नेपाली पुरुषसँग बिहे गर्ने विदेशी महिलालाई समान व्यवहार गर्ने कि नगर्ने भन्ने मुख्य विवाद छ । त्यस्तै खारेजी भएको नागरिकता प्रचलनमा ल्याए कति सजाय गर्ने भन्ने विषयमा पनि मतभेद छ ।

उपसमितिको संयोजकमा विजय सुब्बा छन् । उपसमिति सदस्यहरुमा यशोदा सुवेदी गुरुङ, नवराज सिलवाल, देवेन्द्रराज कँडेल, रामसहाय यादव, लक्ष्मी चौधरी, मीना पाण्डे, राजकिशोर यादव र प्रेम सुवाल छन् ।

सम्बन्धित विषय:

फेसबुकबाट तपाईको प्रतिक्रिया

0 Comments

mgid.com, 313862, DIRECT, d4c29acad76ce94f
Loading...

सम्बन्धित समाचार

नेकपाका नेता समाजवादी पार्टीबाट उम्मेदवार !

नेकपाका नेता समाजवादी पार्टीबाट उम्मेदवार !

जनकपुरधाम । महोत्तरीको पिपरा गाउँपालिकामा रिक्त रहेको अध्यक्ष पदका लागि १७ जनाले उम्मेद्वारी दिएका छन् । समाजवादी र..

प्रधानमन्त्री ओली र बंगलादेशका राष्ट्रपतिबीच भेटवार्ता

प्रधानमन्त्री ओली र बंगलादेशका राष्ट्रपतिबीच भेटवार्ता

 काठमाडौं । प्रधानमन्त्री केपी शर्मा ओली र ब‌गलादेशका राष्ट्रपति मोहम्मद अब्दुल हमिदबीच बुधबार भेटवार्ता..

सांसदलाई पर्यटनमन्त्रीको जवाफ : एयरपोर्टमा भीआईपी सुविधा नपाउँदैमा सानो भइँदैन

सांसदलाई पर्यटनमन्त्रीको जवाफ : एयरपोर्टमा भीआईपी सुविधा नपाउँदैमा सानो भइँदैन

काठमाडौं । संस्कृति, पर्यटन तथा नागरिक उड्डयनमन्त्री योगेश भट्टराईले त्रिभुवन विमानस्थलको भीआईपी कक्ष प्रयोग गर्न न..

बंगलादेशी राष्ट्रपति हमिद र नेकपा अध्यक्षा प्रचण्ड विच भेटवार्ता

बंगलादेशी राष्ट्रपति हमिद र नेकपा अध्यक्षा प्रचण्ड विच भेटवार्ता

काठमाडौं । नेपालको चारदिने भ्रमणमा रहेका बंगलादेशी राष्ट्रपति मोहम्मद अब्दुल हमिद राजनीतिक भेटवार्तामा व्यस्त भएका..