×
अर्थ डेली प्रकाशित: २०७६-२-३० गते

घर फर्किए आबुधाबीमा अलपत्र ७ नेपाली

यूएई । संयुक्त अरब इमिरेट्स (यूएई)को आबुधाबीमा अलपत्र ७ नेपाली त्यहाँस्थित नेपाली दूतावासको पहलमा स्वदेश फर्किएका छन् ।

कम्पनीले तलब नदिएपछि ३ महिनादेखि समस्यामा परेका १२ मध्ये ७ नेपालीलाई दूतावासले प्रक्रिया पुर्‍याएर घर फर्काएको हो ।
दूतावासको सहयोगमा घर फर्कनेमा मोरङका सन्तोष गुरुङ, सानु राई ,लालध्वज राई, नवलपुरका गया चौधरी, सुनसरीका इन्द्र महतो, काभ्रेका बमबहादुर तामाङ र अर्घाखाँचीका हरिप्रसाद गैरे छन् । यीमध्ये ४ जना मंगलबार र ३ जना बुधबार स्वदेश फर्किएको दूतावासले जनाएको छ ।

काठमाडौंको महाराजगञ्जमा रहेको नेगी इन्टरनेशनल ओभरसिज मेनपावरमार्फत यूएई आएका उनीहरु एक कन्ट्याक्टिङ्ग मेन्टिनेन्स् कम्पनीमा कार्यरत थिए थिए । तर, कम्पनीले तलब नदिएर उनीहरुलाई अलपत्र बनाएको थियो ।

कम्पनीले अलपत्र पारेपछि पीडित कामदारले एक महिनाअघि समस्याबारे दूतावासलाई अवगत गराउँदै निवेदन दिएका थिए । पीडितको उजुरीपछि दूतावासले पहलकदमी लिएर नेपाल फर्काएको हो ।

नेपाल फर्कनेमध्ये ४ जनालाई कम्पनीले करार अवधि पूरा नभएको भन्दै जरिवानासमेत तिराएको छ । दुई वर्षे करार अवधि पूरा नभइ फर्कनु परेकाले मेनपावर कम्पनी जिम्मेवार हुनुपर्ने पीडितको भनाइ छ । युएई पठाउने मेनपावरले भने समस्या समाधानमा प्रतिवद्ध रहेको जनाएको छ ।

मोरङका सन्तोष गुरुङले आफूहरुले पाउनुपर्ने पूरा तलब नपाएको गुनासो गरेका छन । कम्पनीले १ महिनाको ८ सय दिराम तलब दिए पनि उल्टै जरिवाना गराएको उनले बताएका छन । कम्पनीले दिएको पैसा खाना खान ठिक्क भएपछि साथीसँग ऋण लिएर घर फर्कन लागेको उनको भनाइ छ । उनीसँगै सानु, गया र इन्द्र आफैं टिकट काटेर फर्किएका छन् ।

अन्य ३ जनाको भने एकमहिनाको तलवबाट कटाएर कम्पनीले हवाईटिकट उपलब्ध गराएको छ । तर ६ महिनादेखि ओभरटाइम गर्दाको पैसा भने नदिएको बुटवलका हरिप्रसाद गैरेले जनाए । उनीहरु १० महिनादेखि उक्त कम्पनीमा काम गदै आएका थिए ।

यता दुवईमा रहेका अन्य ५ जनाले पनि नेपाल फर्कने जनाएका छन् । उनीहरुले कम्पनीमा राजीनामा समेत बुझाइ सकेको पीडित शिशिर राईले बताएका छन ।

सम्बन्धित विषय:

फेसबुकबाट तपाईको प्रतिक्रिया

0 Comments

mgid.com, 313862, DIRECT, d4c29acad76ce94f
Loading...

सम्बन्धित समाचार

एनआरएनएको नवौं महाधिवेशन : भित्र्याउने लगानी कि राजनीतिक खिचातानी ?

एनआरएनएको नवौं महाधिवेशन : भित्र्याउने लगानी कि राजनीतिक खिचातानी ?

गैरआवासीय नेपाली संघ ९एनआरएनए०को नवौं महाधिवेशन काठमाडौंमा आज मंगलबारदेखि शुरू हँुदै छ। नयाँ नेतृत्व चयन गर्ने महाध..

अष्ट्रेलियाको बक्स हिल इन्स्टिच्युटले गर्यो बेवारिसे शव व्यवस्थापन गर्ने विनयलाई १५ सय डलर सहयोग

अष्ट्रेलियाको बक्स हिल इन्स्टिच्युटले गर्यो बेवारिसे शव व्यवस्थापन गर्ने विनयलाई १५ सय डलर सहयोग

विनय जंग बस्नेतले कुनै समय अत्यन्त खराब जीवन बाँचे । उनी आफैंलाई आफ्नो जीवन देखेर विरक्त लाग्थ्यो । ६ वर्षअघि उनले..

युएईमा अलपत्र परेका परियार नेपाली जनसम्पर्क समितिको सहयोगमा नेपाल फिर्ता

युएईमा अलपत्र परेका परियार नेपाली जनसम्पर्क समितिको सहयोगमा  नेपाल फिर्ता

वैदेशिक रोजगारीको क्रममा युएईमा अलपत्र अवस्थामा रहेका सुर्खेत जिल्लाका पुस्कर परियारलाई नेपाली जनसम्पर्क समितिले उद..

कार दुर्घटनामा परी अस्ट्रेलियामा दुई नेपालीको मृत्यु

कार दुर्घटनामा परी अस्ट्रेलियामा दुई नेपालीको मृत्यु

काठमाडौं । अस्ट्रेलियाको कूमामा भएको कार दुर्घटनामा परी दुई जना नेपालीको आइतबार बिहान मृत्यु भएको छ। द नेप्लिज भ्वा..